Hari minggu yang SURAM

Malem senen koyo ngene, sepine jan gak koyo malem minggu biasane.(Minggu po senen?) Lak wes ceto ta, nek minggu karo senen ki bedo. Wengi iki angine semribit, gluduge jedar jeder sisan.
Bedjo sek biasane sregep ngaji, saiki babar blas gak ketok irunge nang mesjid. Paijo sek ngenteni Bedjo kaet bakda maghrib ngasik tekan isyak, sidone mink njingkrung turu. Mendingan turu ae jare, ketimbang mangkat dewe, gak ono kancane, wedi baline.
Iki cen gak koyo biasane tenin. Jebule Bedjo gek macak nang ngomah. Dandan necis, klimis, lan pamer sisir. Sek jenenge Bedjo ki pancen mrono mrene seneng sangu sisir. Nyisiri rambut ki wes dadi hobine pendak dino, padahal rambute we gundul.
Gak suwe Bedjo malih dadi mesam mesem, prengas prenges, clingak clinguk, malah kadang2 ngguya ngguyu dewe nang ngarep pengilon,. Ojo dikiro nek Bedjo ki edan, wong utekke ki cen wes gak waras.
Gek ae enak2e narsis nang ngarep pengilon, ngerti2 ono suoro pating glodak nang jendelo kamare. Tiwas dibukak, raine Bedjo langsung ketampanan boto sek diuncalno karo Marni. Suarane ngasik mak "Bhuuugg,.,.!!!!!" Botone temempel nang raine.

Bedjo: dancuk, ndasmu krewak, matamu suwek,. Koe kiro raiku ki opo? kok timpeng nggo boto sak enake udele dewe,. Wedhus yo kwe,.!!!!
Marni: hayah, rai gak roto koyo ngono di banggak2ke,. Gak usah ngila ngilo ae,. Kesuwen juu,.
Bedjo: mbok sek sabar, bonyok ki raiku,. (Sambi mlumpat jendelo nyedaki Marni)
Marni: wes rasah kakehan iyik, ndang mangkat. (Karo nunyuk gundule bedjo sek pancen gundul kui)

Tak kiro ki arep do mangkat ngaji, jebule malah mlakune menggak menggok trus suwe2 menggok ngidul blusukan nang kebonan pring. (Halah wong jare gluduge jedar jeder kok malah blusukan nang kebon?) Bocah loro kui do peplayon oyak2an nang kebonan ngasik tekan pinggir kali Deres. Gayane Bedjo karo Marni le pacaran ki pancen istimewa tur klasik tenan. Oyak2an, umpet2an, malah kadang nyanyi2 joget india barang.(Nek udan ndara malah tambah romantis?) Tapi nek gek sayang2e malah iso antem2an ngasik do kocrot getihe.
Ujug2 Bedjo mandeng le oyak2an, deknen wes krenggosan. Ambegane muni "ngiiikk, ngiiikk,." Ngos ngosan kentekan napas. Maklum ae bendinane Bedjo cen kurang olahraga tur wes kakehan ngudud sisan.

Bedjo: beib, kosik lah beib, kesel aku,.
Marni: ah cen gombal mukiyo tenan kok kwe ki,. Mink ngono ae wes lempoh,.
Bedjo: yo ben. Kene lingguh sek.

Gek ae Marni arep lingguh, deknen weruh klebet2 bayangan ireng kuru tur duwur liwat nang nduwur jembatan.

Marni: beib, opo kae ireng2? Wedi aku,
Bedjo: endi? Gak ono opo2 ngono.
Marni: kae lho, sek njut mudun nang kali.
Bedjo: (kaget campur wedi) wew wew wew waduuuh,. Opo kae yo?
Marni: ojo2 kromoleo kae beib,.
Bedjo: Ndassmu,.!! (Sok kemendel) paling2 mink kethek ucul.
Marni: wooo, cen matamu suwek kok,. Mbok delengen kae bayangane sepiro?,.!(Pisan meneh nunyuk gundule Bedjo sek pancen gundul)
Bedjo: wes lah gak popo,.(Asline yo prindang prinding)

Bayangan sek gak jelas kui trus mudun kali, delag deleg, nunak nunuk, alon2 temangsang lan methingkring nang mburi watu gede.
Gak ngertine bayangan ireng kui mau ki lik Ndirah, rondo elek seko dusun sebelah.
Lik Ndirah mudun kali arep ono acoro penting, mudun kali sambi ngampet roso sek gak kepenak nang weteng. Gak suwe lik Ndirah langsung ambil posisi ndodok nang pojokan watu gede karo ngeden2, karo rada pringas pringis sithik, ngusahak'ake kelancaran acarane.

Bedjo tetep ngeyel nek deknen ki gak wedi karo opo2. Jebule Bedjo jek nggembol boto sek diuncalno Marni mau kae.
Bedjo: tenang beib, iki botomu jek tak gembol. Munyuk'e tak bandem ae yo?
Marni: (mink monthak manthuk karo pringas pringis thok)
Gak suwe botone kui langsung diuncalno duwur karo Bedjo. Saking duwure ngasik keno godong pring.,.
KROOSSSAAAAXXXKKk,.,.,.
CEBLLUUUNGG,.,.
Botone nibo persis nang ngarepane lik Ndirah. Spontan lik Ndirah kaget, deknen langsung njempong nyemplung nang kali. Awake dadi klebus campur mambu2 gak enak ngono kae. Acarane lik Ndirah gagal total. Aturan kudune ono sesuatu sek wes ditokke malah dadi mlebu meneh.

Lik Ndirah: dancuk, ndasmu krewak, matamu suwek,.
Bedjo: waduh kui kan ukoroku mau?
Marni: wes lah beib, ayo ndang minggat,.!
Lik ndirah: heh, anak setan,.!! Titeni ae sesuk bakal tak bales,.!

Cah enom loro mau langsung mlayu njrantal, keponthal ponthal marani mesjid. Ndilalahe dalan sek paling cedak yo mink nang mesjid,. njut cah loro kui wes gak wani njikuk resiko neh, luwih2 pas wes ngerti nek sek dibalang kui jebule lik Ndirah. Rondo elek, galak, pelit sisan.

Akhire Bedjo karo Marni sidone tetep melu ngaji. Cen nek sek biasane melu ngaji, arep gak melu ngaji ki mesti tibak'e tetep ngaji.

Akhire lik Ndirah klebus juga, sek biasane kudanan, mesio gak sido udan yo tetep ae klebus,.

Nek aku sih, udan gak udan tetep ae turu,.
Intine ki yo mink arep turu dab,.



Tweet