antara menul dan maria

Wes meh sesasi iki weduse paijo ilang bagai ditelan bumi. Wes sesasi ugo Paijo ra doyan mangan sego, tapi nek kon mangan suket tetep ae iseh nggragas. Sedino dino gaweane Paijo mink ngglinting rono ngglinting rene, karo ngalamunke weduse seng saiki rangerti piye kabare. Awake soyo kuru tapi rambute malah soyo lemu, ambune seng theng thengan nggarai awake dikerah laler. Parmin karo Samsul seng bendinane ngancani karo ngurusi Paijo, wes dadi seksi nek Paijo ki pancen ra doyan mangan. Cilakane, panganan seng kudune diuntal Paijo malah diembat karo cah loro kui. Cen begundal kabeh.

Samsul: Saben esuk teko rene ki yo mink pengen ngembat badogane Paijo. Panganan enak2 ngene iki nek ra kepangan lak yo mubazir ta?! (sambi nyiruk sego)
Parmin: Iyo, bener boy (karo nyaplok tempe bacem). Tapi piye ki? Siki Paijo malah soyo ndodro, soyo suwe tambah stres tambah ling lung koyo uwong wawo kencret ra duwe doyo.
Samsul: Lha mbuh kui, nek ngene iki terus aku yo iso melu2 pusing dadi stres. Masalahe Paijo ki wes nganggep weduse koyo dulure dewe je.
Parmin: Lha trus dewe ki dianggep opo boy?
Samsul: Yo podo ae dab. Bedane, nek kwe mangan sego, tapi nek weduse Paijo mangan suket (karo ngacungi suket seng didepno nang ngarepane Paijo).
Lebar mbadog, teko2 krungu suoro uwong uluk salam seko njobo. “Assalamualaikum”
ParSul: Waalaikum salam
Samsul: Min, jal tiliki kono,.!!
Parmin: Ok boy (langsung mlayu mbukakke lawang). Weeee mbak Menul ta jebule.,., (dapurane Parmin langsung cengingas cengingis). Monggo mlebet mbak.
Menul: Nggih, suwun mas Parmin (mesam mesem ngetokke kemayune).
Samsul: Wew, waduw. (mbatin; nopo Menul rene2 mbarank? Jian kampret tenin)
Pas Samsul ngerti nek seng teko kui Menul, badogane seng awut2an neng nduwur amben langsung di beresi kabeh.
Menul: Mas Samsul, piye kahanane mas Paijo?
Samsul: Yo delengen dewe kui, lak malah soyo ra nggenah.
Parmin: Piye arep nggenah? Mangan sego we susah.
Menul: Duh mesakno kwe mas (ngelus elus gundule Paijo karo nyilakke rambute seng rewa rewo nutupi raine).
Paijo: (meneng ae)
Menul: Ki aku nggawakno bubur kanggo mas Paijo, dimaem yo mas?!!!
Paijo: (iseh meneng ae)
Menul: Emhhh, opo perlu tak dulang mas?
Paijo: (tetep meneng ae)
Banjur kui Menul nyiapno bubure nggo ndulang Paijo, tapi Paijo mink meneng ae, mingkem ae, mbisu, njegideg, jan babar blas ra gelem mbacot. Nek ngene iki terus, piye anggone Menul ndulang Paijo? Opo perlu pancal nggo dongkrak ae cangkeme Paijo kui?
Menul: Mas, pean ki kudu maem ben ndang sehat maneh. Nek wes sehat kan pean iso nggoleki weduse pean maneh.
Paijo: (kelingan weduse, mripate Paijo malah njut arep nrocosh)
Menul: Aku yakin nek pean ki sayang banget karo weduse pean.
Paijo: (nambah nrocosh, mrebes mili)
Menul: Aku yo yakin nek weduse pean ki ora kalah sayange karo pean.
Paijo: (wes gelem ngetokke untune karo mimbik2)
Menul: Mengko nek pean wes sehat, aku melu nggoleki weduse pean yo,.?!
Paijo: (wes ra mimbik2 neh, tapi langsung nggembeng, uro uro, berak berok,. Nggarai lalere mabur kabeh)
Paijo seng dasare pancen duwe roso karo Menul, ahire gelem didulang mangan bubur. Mesio mangane mink sitik, tapi bocah2 wes kroso seneng weruh kahanan koyo ngono kui.
Parmin: Lha,. Mbok ngono kui ket mau, nek kwe gelem mangan kan aku karo Samsul ra perlu repot2 ngentekke panganmu boy.
Menul: Oh pantesan ae do betah sedino dino mrongos nang kene. Critane ki do nunut nguntal ta?
Samsul: Yo oralah, guyonane Parmin kok dirungokno, ngapusi kui. (mbatin; “Parmin ki cen kampret, koyo ngono ndadak di omong2no” . Samsul langsung minggat metu samar diomyang karo Menul)
Paijo: Rapopo, pengen mangan yo tko keri mangan ae. (ujug2 Paijo melu mbacot)
Parmin: Weleh, ngomong kwe Jo? Ngomong opo kumur2?
Paijo: Ilatku gringgingen bro.
Menul: Alhamdulillah, mas Paijo wes gelem ngomong, seneng aku. Bubure pengen nambah po mas?(padahal bubure wes entek sak ajange)
Paijo: Suwun mbak, mengko maneh ae. Mbak Menul gelem rene, wes nggarai atiku seneng banget. Weruh rupane mbak Menul, awakku dadi seger maneh.
Menul: Ah mosok sih mas? (mesam mesem, isin campur seneng)
Paijo: Tenin, sumprit,., Pean ki wes ayu, kemayu, pinter ngaji, apikan sisan,.,.
Menul: (mesem maneh, raine seng putih alus mendadak dadi abang mbranang koyo udang rebus) Mas Paijo yo apikan juga kok, eseme pean nggarai Menul pengen semaput.
Paijo: Tenane?
Menul: Ho oh, pean ki mesio ireng tapi ngganteng. (tangane mulai grayak2 nyandak tangane Paijo)
Paijo seng dasare wonge ireng, siki raine dadi belang2 abang karo ireng. Cah loro kui dadi mesam mesem kabeh, sajake malah do stres calone edan.
Paijo: Waduh, tangane mbak Menul alus jan. Nggarai kelingan pas gandengan tangan karo Maria.
Menul: (kaget) Maria, sopo kui mas?
Paijo: Yo wedusku seng minggat kui.
Krungu ngono kui Menul mink cengar cengir karo mbatin; “Dancuk, malah dipadakno karo wedus,.!!! Entrane ki wedus po bintang pelm sih? Kok jenenge apik men, ngasik ngalah2i jenengku”.
Kedadean karo tangane Menul kui, nggarai Paijo kelingan karo Maria. Biasane esuk2 tangi turu (iseh rembesen) de’e langsung nguleng2 Maria nang kandange, jare ben ndang tangi. Ora lali Maria yo didusi, dipacaki, lan diklambeni sakdurunge dijak mlaku2 nang taman. Mlaku2 nang taman “berdua beriringan bergandeng tangan”. Halah, piye carane Maria arep gandengan? Lha wong tangan we ra duwe,. Gandengan sikil waelah ben adil.
Wedus wadon seng jenenge Maria kui mau siki wes ra ono kabare, minggat wes sesasi ra bali2. Nggarai Paijo meh ngahiri uripe. Kelingan kedadean pas kelangan ki cen nggarai edan, tapi nek le kelingan karo ono tangane mbak Menul yo seje rasane. Rasane pengen lali ae karo Maria, pengen gandengan terus karo mbak Menul. Nek perlu tangane di lem sisan.
Nek tresno wes mulai mbacot, yo ben. Tko ben mbacot ae,.,.



Maria