Dilit meneh poso yo Mak?

Mbukak-mbukak tanggalan kok jebule wes wolulikur ruwah, tandane dilit meneh wes ketemu sasi poso. Samsul sek wes nyiapno acara kumpul-kumpul karo koncone ketok bingung rupane. Dlosoran nang ngarep tipi, malah gak mudeng opo sek didelok. De'e mulai mikir piye carane ben iso gae ngiri konco-koncone.
Gak ono coro liyo meneh sak liyane njaluk nang emak'e, mesio de'e kudu siap-siap keno omelane sek mesti ndladrah dowone gak umum.

Ndilalah lagi enak-enake mikir, emak'e teko. Wong wadon setengah tuwo sek wes rondo ono limang taun kui duwe kios cilik nang pasar. Lebar ndekekno gembolane, de'e lungguh nang kursi.

Samsul : (cengengesan, senjatane nomer siji)
Emak : (meneng ae, gak nggape)
Samsul : Gek mulih Mak? Kesel?
Emak : Gak. Wong sekti! (sombong)
Samsul : (cengengesan maneh, ancen rodo menceng utekke) Dilit meneh poso yo Mak?
Emak : Jarene sih ngunu (sok cool)
Samsul : Sampeyan sesuk arep solat pora mak?
Emak : Solat opo? (sok kaget, langsung tangi)
Samsul : Lha piye ta sampeyan iki Mak? Yo solat traweh lah, mosok solat mayit,.
Emak : Lha nek kowe arep solat pora?
Samsul : Yo jelas! (sombong)
Emak : Opo kowe isoh? (nadane ngece)
Samsul : (kukur-kukur rambut, gak kukur-kukur bokong) Yo isoh lah. Wong keri melu-melu liyane ae. Liyane njengking yo melu njengking, nek do njempong yo melu njempong.
Mak, (nadane manja) mbok yo aku ditukokno sepatu (mulai ketok asline)
Emak : Arep nggo opo? Wong sekolah ae yo gak tau kok arep tuku sepatu. Arep dadi hansip po?
Samsul : Lha mosok hansip thok sek sepatuan ,.!? (mangkel) Arep tak nggo sesuk dino rioyo ki lho Mak. Lebar solat Id arep dolan karo bocah-bocah.
Emak : (meneng ae, menjap menjep lambene)
Samsul : Halah Mak, anak mung siji njaluk sepatu ae gak dituruti (mulai macak melas)
Emak : Kok koyo wong YES ae sih kowe? Dolan ndadak sepatuan.
Samsul : Lha aku iki ketua genk lho Mak, sampeyan gak ngerti po?
Emak : Genk opo?
Samsul : Genk Gaul Mak,.!
Emak : Gaulandangan po?, rai gemblung ngono kok gaul
Samsul : Senengane ngrendahno anake dewe. Yo wes aku gak sido njaluk sepatu, tukokno bebe ae
Emak : Opo kui bebe?
Samsul : Halah, mesti ra ngerti sampeyan iki. Kae lho hape sek akeh nang tipi-tipi, sok dinggo artis-artis kae lho Mak
Emak : Lha piro regane?
Samsul : (seneng, kethoke berhasil nek iki) Paling mung telung njutaan
Emak : Ndasmu krewak!
Samsul : Hash, kabeh-kabeh kok gak oleh! (mangkel meneh) Sampeyan ancen gak seneng nek aku seneng ta? Aku iki ketua genk Mak, nek gak menei conto sek apik yo isin.
Emak : Conto opo? Conto carane gawe makmu ndang mati kere ngono po?
Samsul : Gak ngono Mak. Maksute, aku lak ketua genk, dadi yo kudu luwih gaul ketimbang anggotane, mosok malah kalah gaule. Nek rupo kan aku wes lumayan ta.,!?
Emak : Lumayan apane, wong rupo koyo sumbu kompor ngono
Samsul : (selot mangkel, arep nggebrak mejo tapi gak wani karo emak'e) Mbuh, sampeyan ancen gak sayang karo aku!
Emak : Ealah, malah niru-niru sinetron!
Samsul : Mbuh,.! (mimbik-mimbik, arep nangis)
Emak : Oalah Sul..Sul, cen Suloyo tenan kowe iki, polahe kok ono-ono ae. Gak ngoco po Makmu iki sopo? Bakul tempe ae arep kok jak gaul, yo gak nyandak to dul,.! (Raine wes ngantek abang ireng)
Samsul : (mbrebes mili)
Emak : (wes kadung nyocot yo diterusno ae) Mbok yo eling le, dapuranmu kui luwih pantes ngarit ketimbang wira-wiri gak jelas. Gaul opo jal tak takon? Gemblung malah iyo,.! (metu sungune)
Samsul : (tambah ngidro-idro)
Emak : Nek kowe rumongso aku gak sayang karo kowe, yo kono becik minggat ae kowe,.! Gak usah melu aku meneh,.!!! (metu siunge sisan)
Samsul: (mbeker-mbeker nangis banter)

.
Sent from my AXIS Worry Free Black Borrot® smartphone