Aaanccuk kabeeeeeeeeh,.!!

Jarum jam iseh nunjuk jam wolu esuk, tapi srengenge nang dusun Suwung wes wani ngajak gelut. Panase poll jian ra umum. Panas srengenge mrembet mlebu nang kamar, mblerengi matane Paymin seng iseh anteng mbathang nang kamare.

"Min, tangi min,.!!"
Suarane makne seng koyo bledhek wes nyamber nyamber nang kupinge Paymin. Ra peduli karo makne, Paymin langsung tarik selimut mbathang meneh. Ngerti ngono makne malah selot banter le nyocot.

Emak: Oalah Min min, kwe ki cen kebo tenan tah.,? Iki wes jam piro? Kowe meh tangi opo meh mati? Mau wes ra subuhan, siki yo meh ra tangi sisan,.! Meh dadi opo kowe,.?

Paymin: Hasyah, wong tuwek kok brisik ae. Meh tangi po ora yo sak sirku dewe, dudu urusanmu.!

Emak: Yo kono sakkarepmu. Kui lho hapemu ono sms yak'e,. kaet mau muni terus, kluntang klunting mbindengi kuping ae,.!!

Ngerti nek bandhemane muni, Paymin langsung mecicil menyat seko kamare.

"Jancuk,. Wes jam piro iki?"

Tangane gremet gremet nggoleki bandhemane, jebul wes akeh sms seko Marsha. Deknen kelingan duwe janji ketemuan ambe Marsha jam pitu esuk nang Taman Kyai Langgeng.
Raine seng mbladus gupak iler langsung dilap nggo anduk. Matane sepet koyo wong mabuk, tapi nek meh adus yo jelase mink ra nyandak. Awake seng kecut langsung di semprot nggo perfume nggon makne. Rambute seng gondrong kuncunge wes disisir rapi. Klambine barank yo wes dirapekne mesio asline yo ra luwih resik. Tanpo pamit mak'ne, deknen langsung njranthal metu mancal sepedane.

Mesio wes direwangi ngebut ngebut, mblasak liwat kebon, nabrak pager, tetep ae iseh telat akeh. Ngerti dewe tangine mau wes kalah start telat sakjam dewe.

Lebar mbayar tiket, Paymin langsung nggoleki Marsha. Pacare kui wes prengat prengut raine mergo kesuwen le ngenteni. Karo prengas prenges Paymin nyedaki pacare.

Paymin: Wes ket mau beb? Sorry yo, telat sitik ki. (Karo cengengesan)

Marsha: (mink meneng ae)

Paymin: Sorry tenan ki lho. Aku keturon, mambengi melu pengajian ngantek subuh lagi turu.

Marsha: Hayah, alesan ae. Ket kapan to kowe dadi sregep ngaji?

Paymin: Tenin beb. Ojo nesu yo, ngko tak tukokno tlembungan wes.

Marsha: Emange aku ki cah bayi po kok rayu nggo tlembungan? Ra usum,.!

Paymin: Yowes, meh njaluk opo? Milih sak karepmu lah. Hehehe,.
Lha iki ono opo sih kok njaluk ketemuan nang kene? Meh ngelingi jaman semono po?

Marsha: (meneng, mlirik trus ambegan dowo)

Paymin: (bingung) Kok jeru banget ambegane? Ono opo beb?

Marsha mink meneng ae, matane ndelengke munyuk munyuk seng nang njero kandang. Ra kroso pikirane mblayang kelingan nalikane setaun kepungkur. Nang ngarep kandang iki Paymin wes tau nembak deknen. Akhire cah loro kui iso jadian mesio sakdurunge Paymin wes tau ditolak peng pitu mbe Marsha. Weruh Marsha mink meneng ae, Paymin dadi tambah bingung, plenggang plenggong karo kukur kukur ndase.

Marsha: Mendingan dewe putus ae.

Paymin: (kaget) Nah lho,.!! Nopo kok putus beb? Aku salah opo?

Marsha: Awake dewe ki wes ra klop, ra cocok. Ketimbang mink dadi loro ati kabeh, mending bubar ae sisan.

Paymin: Nah lho, sik ta lah. Iki mau masalahe opo? Mosok mink goro goro aku telat kok njuk putus? Tenin lah beb, aku mau keturon. Lebar moco smsmu aku langsung njranthal mrene,. Yakin,.

Marsha: Iyo percoyo. Sampek sampek kowe ra sempet adus, baygon kaleng yo kok enggo parfum tah? Iyo kan?

Paymin: (ngendus awake dewe) hehehe, tak kiro nek minyak wangine nggon mak'e je. Iki seng terakhir lah, ora tak baleni meneh.

Marsha: Iyo, iki terakhir karo aku. Lebar iki wes sak karepmu. Kowe meh telat, meh jungkir walik, meh kothar kather ra kathok'an, dudu urusanku.,.,!

Paymin: Lho kok ngunu beb? (Wes ketok nrocos matane)

Marsha: Wes ta lah, kowe ki nrimo ae. Dewe wes ra cocok, setaun bareng yo mink ngunu ngunu ae. Mangan ati thok. Lagian kowe mesti bosen tak nesoni terus.

Paymin: Ura lah, aku ora bosen. Seneng malah nek dirimu nesu, ketok ayu kok. Jan nggemesi tenin lah,. Hehehe (cengengesan tapi yo rada mrebes mili)

Marsha: Nek ngunu berarti aku seng bosen. Sepurane wae nek aku akeh salahe mbe awakmu.

Paymin: Sik ta lah. Ngopo kudu koyo ngene? Opo salahku?

Marsha: Ra ono seng salah. Teko anggep ae dewe ki ra jodo.

Paymin: Yo ra iso ngunu lah, aku ki iseh sayang mbe dirimu. Ojo koyo ngene.

Marsha meneng ae. Matane nyawang munyuk nang ngarepe, deknen ra tegel ndelengke Paymin seng melas rupane.
Ra pengen suwi suwi, Marsha langsung ngadek arep ngaleh. Paymin seng ra gelem ditinggal langsung nggendoli tangane pacare kui.

Paymin: Aku ojo ditinggal ta beb. Piye ki uripku nek ra ono kowe?

Marsha: Yo pikiren dewe. Kowe lak wes gede iki tah?

Paymin: Ra iso. Iso iso aku mati nek ra ono kowe nang sandingku. Mbok seng sabar disit yo beb,.!?

Marsha: Wes entek sabarku nggo kowe. Wes ta lah, cen duduk ngene iki dalane. (Ngeculke tangane Paymin)

Paymin: Hayah, kowe duwe lanangan liyo ta? Wes nemu gantine aku, ngunu ta?

Marsha: (meneng)

Paymin: Ndang jujur ae saiki. Ngaku nek kowe cen duwe lanangan liyo, aku iso trimo ikhlas,.!

Marsha: Iyo, pancen wes ono.

Paymin: (kaget, selot ngos ngosan ambegane) sopo wonge?

Marsha: Kowe ra perlu reti. Seng mesti aku wes ra iso karo kowe meneh.

Paymin: Aku kudu reti wonge seng wani ngrebut pacarku.

Marsha: Kowe kenal Paijo?

Paymin: Paijo? Seng dadi satpam kae po?

Marsha: Satpam ndasmu krewak kui,.!!! Pulisi lah.

Paymin: Hasyah, pulisi opo? Rai koyo gedang goreng ae dibanggakke. Paling paling deknen dadi pulisi entuk le nyogok. Opo koyo ngunu kui wong seng kok bandingke mbe aku? Hash, ra level.

Marsha: Luweh. Dudu urusanmu aku meh karo sopo. Saiki kowe yo wes dudu urusanku. Urusen dewe kui uripmu.

Paymin: Aku ki calon eksekutip sugih. Nek mink gaji pulisi ae kecil.

Marsha: Hah? Mosyok? (Nadane ngece wal ngenyek) Trus kapan kui? Ngenteni aku mati po? Wong kok isone mink ngomong thok,. Mbelgedhez,.

Males debat, Marsha langsung lungo. Paymin seng ra trimo diputus ngunu ae bengak bengok nyelukke pacare. Marsha wes adoh wes ra ketok, tapi Paymin iseh bengak bengok nang garep kandang munyuk sambi ngglinting ngglinting koyo wong edan.

Paymin: Beb, sayang. Ojo lungo beb. Aku iseh sayang awakmu,.
Dek Marshaaaaaaaaaaaa,.,.!!!!!

Wong wong seng lagi liburan podo anteng ndelengke Paymin seng bengak bengok koyo wong edan. Munyuk munyuk seng nang njero kandang yo melu bengak bengok rame nirokke polahe Paymin. Ngroso diece karo munyuk, Paymin tambah jengkel trus ngunek ngunekke munyuke sisan.

Paymin: Opo koe? Ngece aku po piye? Wedhuz yo kwe,.!

Paymin iseh bengak bengok karo nangis. Wong wong podo minggir kabeh wedi samar diamuk.

Cah cilik: Pak, kae ki wedhus opo munyuk? (Ngacungi munyuk nang kandang)

Bapak'e: Kae ki munyuk. Nek wedhus ki lak seng ngembek kae. Kandange dudu nang kene tapi nang mburi omahe lek Pardi.

Cah cilik: kok jare om kui mau jenege wedhus?

Bapak'e: Kui ki wong edan. Ojo digatekke,.

Krungu omongane wong wong, Paymin tambah jengkel,.

Paymin: Aaanccuk kabeeeeeeeeh,.!!

"Cerita ini hanya fiktif belaka yang diedit dari blognya wong edan, jika ada persamaan nama dan tempat itu merupakan unsur ketidaksengajaan dan mohon dimaafkan"