"Lha wong maghrib ae rung menyat, tur imame yo durung buko, mosok kowe wes arep traweh", batine mbah Dipo.
Biasane, wong-wong sek do ngebak-ngebaki mesjid pas traweh yoiku wong-wong sek gak biasa menyang nang mesjid. Malah ono wong sek ancen gak pernah ngambah mesjid, trus melu ribut dewe-dewe nang mesjid. Asline sih apik, seneng-seneng ae nek wargane do sregep nang mesjid. Lha iki mung gek traweh peng telu ae mesjide wes kopong mlompong.
Tekan jaman saiki, kahanan koyo ngono jek ae membudi daya. Wong-wong sek menyang traweh kui ono beberapa golongan sek rodok nyepeti wal nyebahi.
1. Golongan "Jaburan Hunter", yoiku golongane bocah-bocah cilik sek niate menyang traweh mung arep rebutan panganan sek disiapno nggo hidangan tadarus. Snack tadarus iki nek nang ndesoku jenenge Jaburan, mbuh nek nang ndesomu jenege opo,.
Pas sholat traweh rampung, jaburan mau sebagian dibagek-begekno nang bocah-bocah. Nek diibaratken, bocah-bocah mau jiand malah mink koyo pitik kaliren gek dipakani. Wal hasil, acakkadut serambi mesjid bubrah dadi koyo kandang pitik. Tapi yo gak popo, justru ramene wulan poso ki malah mergo cah cilik-cilik kui. Lha masalahe nek sholat traweh durung rampung, bocah-bocah mau gaweane lak mung do pencilakan wal clinthisan ae. Jatahe wong-wong gek do rukuk, eh cah cilik-cilik malah do srunthal srunthul nang ngarepe. Trus jatahe do sujud malah ditubruk bokonge. Sek luwih parah meneh, mbah Dipo sek selaku imam gek sujud malah dilumpati trus ditumpaki selayaknya jaran kejengkang. Kuwi durung nek wayahe wes do ngumpulno zakat fitrah, beras sek dikumpulno nang mesjid mesti langsung dadi sasaran para "Jaburan Hunter". Mending nek berase digowo mulih, lha iki malah diorat-arit fating klefret disawur-sawurno nang njero mesjid pas sholat traweh berlangsung. Jaminan gak ono sek iso sholat traweh bener-bener khusyuk mergane wes do kelangan iman. Imane luntur diobrak abrik para "Jaburan Hunter". Hadeh, gethink tenin aku nek koyo ngono kui. Tapi mbuh nopo nek mbah Dipo kok malah mink prengas prenges ae weruh kahanan koyo ngono.
2. Golongan "Sendal Jepit Changer", yoiku wong-wong sek niate menyang traweh mink arep ngijolke sendal. Njikuk sendal sek kiro-kiro apik trus diijoli sendal sek wes buluken. Wong-wong iki ancen wes mengamalkan ceramahe mbah Dipo wingi sore mengenai "ambil yang baik dan tinggalkan yang buruk". Sendal sek dadi sasaran mesti sendal-sendal sek wes bermerk, koyoto; Swallow, Melly, karo siji meneh Skyway. Kui merk-merk sek ancen wes terkenal pas jaman semono. Rego sendale sih asline gak sepirakno dibanding sendale mbah Dipo sek digawe seko kayu. Mesio gak bermerk tapi iso dadi rebutan bocah-bocah, disik-disikan malik sendale sakDurunge dinggo meneh.
Sopo ta sek gelem kelangan sendal? Uwong-uwong sek gak pengen sendale ilang, mesti wes siap golek panggonan sek aman nggo ndelikno sendale. Tapi sek jenenge "Sendal Jepit Changer" tetep ae gak kalah pinter. Koyo ngopo primpene, sendal apik tetep ae iso ketemu. Sendal-sendal mau langsung ditaleni wal dibongkok trus didelikno nang panggonan sek luwih primpen meneh.
Sek dadi masalah, kelangan sendal jepit ki gak sepirakno ketimbang kelangan rasa aman. Pas sholat traweh berlangsung, wong-wong sek wes sempet ndelikno sendale langsung kepikiran "Sendalku mau ilang pora yo? Aman pora yo?".
Lha dene para "Sendal Jepit Changer" yo podo ae langsung kepikiran "Sendal sek wes tak bongkok mau aman pora yo? Ojo-ojo ngko malah konangan, matek ki aku".
Halah-halah, iki ki uwong gek do sholat po do ngopo sih?
Intine, nek kowe kepengen trawehmu lancar ki kudune siapno disit iman sek kuat. InsyaAllah para "Jaburan Hunter" gak iso dadi alangan.
Trus, nek kowe pengen nyolong ki sakdurunge kudu iso menciptakan rasa aman untuk diri sendiri juga untuk orang lain. InsyaAllah kowe gak sido nyolong.
.
Sent from my AXIS Worry Free Black Borrot® smartphone
Tidak ada komentar:
Posting Komentar