Salam Perpisahan

Mangkel mergo gak ono sing sido diukum, wong-wong langsung do ngedumel, protes, gak trimo karo keputusane Lik Pardi.
Tiwas wes mumet ndase, Lik Pardi yo mink isoh gedek-gedek ae.

Samin : Wes wes, do buyar ae. Iki mink salah paham, gak ono sing kudu diukum. Buyar,. Buyar,.
Lik Ndirah : Ancuk,.! Akone sopo buyar? Aturan ngendi kui buyar? Gek rame ngene kok buyar,.!

Bakul jamu sing gak trimo pelanggane ilang goro-goro digusah karo Samin, melu-melu misuh sisan gak trimo keputusan sing digawe Lik Pardi.
Samin tetep ae ngeyel, tambah semangat mbuyarno wong-wong mergo diewangi karo Mario.
Tukimin sing gek ae teko ketinggalan cerito, madan bingung arep melu-melu sing endi. Akhire deknen mink melu surung-surungan nang mburi, ben tambah rame jare.



Paijo sing yo gak seneng deknen dipitnah, sisan melu-melu kisruh sing nggarai rame nang Bale Suwung.
Susan sing maune semangat, mergo ditinggal Paijo akhire raine macak dadi melas. Atine mbedodok, mangkel, tapi yo arep piye meneh. Bocah ayu sing duwe roso ambe Paijo kui milih ngaleh ae, golek nggon liyo ketimbang kepidak-pidak wong sak ngono akehe. Kringete ndrodos, mlaku karo nyeret-nyeret nggandeng Maria dijak minggir. Motone clingukan, golek nggon sing tepak. Gak let suwe deknen nemu panggonan sing sip, cocok nggo semaput.

Paijo : (bengak bengok ngantek telak'e meh njeplak) Kowe ki uwong kok do goblok, ngeyelan sisan,.! Aku ki gak salah, aku dipitnah, ngerti pora,.!?…. Maria ki wes tak anggep dulurku dewe,.!
Uwong-uwong : (langsung meneng mingkem anteng kabeh, mlinguk sedilut nang Paijo trus do balik ribut meneh)
Batine Paijo : "Jhannngkriik,. Gak digape blas ik,."

"Guk,.! Guk,.! Guk,.!"
Gek rame-ramene le kisruh, moro-moro ono sing njenggong seko arahe Susan. Uwong uwong podo kaget, kabeh sing nang uteke podo ditokno nggo mikir "iki uwong opo asyu?"
Paijo sing gak kalah kagete yo melu nglinguk nang Susan. Gak let suwe Paijo mesem. Eseme tipis, seger, tur semriwing, nggarai bocah-bocah wadon sing nang kono do klepek-klepek kabeh termasuk Susan.
Susan sing gak ngerti opo-opo atine malih seneng, lambene dimanis-manisno alias mesam-mesem. Ben atine luwih manteb, deknen langsung dada-dada ambe Paijo. Durung rampung le dada, Paijo malah bengak bengok nyelukno Maria.

Paijo : Mariaaaaa,.,.!
Maria : Guk! Guk! Guk! (artine: Mas Paijo.,! Mas Paijo.,!)
Paijo : Nang ngendi ae sih kowe ki? Tak pikir kowe wes mati,.!

Kewan sing njenggongi warga kui jebul Maria, dudu Susan dudu kirik. Saking kangene suwe gak pethuk, wedhus wedok karo cah lanang kui langsung rangkul rangkulan. Maria mrebes mili, Paijo yo ho'o sisan. Wedhus wedoke kui diambungi, gak peduli karo wedhus-wedhus liyo sing podo ngowoh, bingung ndelengno polahe Paijo karo Maria. Susan sing wes pede mesam mesem, weruh kedadean koyo ngono langsung nggeblak semaput tenanan.

Maria : Guk! Guk! (artine: Mas Paijo, aku kangen)
Paijo : Aku yo iyo. Sik ta, kowe kok njenggong sih? Kaet kapan wedhus isoh jenggong?
Maria : Guk! Guguk! (artine: aku saiki dadi asyu, dudu wedhus meneh)
Paijo : Asyu kepriye?, Lha wong kowe ae jek jenggoten ngene?
Maria : Guguk guk! Guk! (artine: hash luweh, pokoke aku saiki dudu wedhus. Aku asyu)
Paijo : Yo wes lah, sak karepmu, arep dadi celeng sisan yo gak popo. Kowe nang ndi ae sih? Kowe gak ngerti po nek aku ki ngenteni kowe ben dino. Tak pikir aku gak bakal ketemu kowe meneh.
Maria : Guk! Guk! (artine: Mas, sampeyan saiki kok koyo genter ta? Selot kuru)
Paijo : Kowe koyo prenjak, cerewet tapi ngangeni (mesem)
Maria : Guk! Gukguk! (artine: kowe koyo panu, nggateli) (mrengut)
Paijo : Hehehe. Kowe koyo Luna Manja!
Maria : Guk? (artine: sopo kui mas?)
Paijo : Artis, ayu.
Maria : Guk! Gukguk! (artine: wooo ngece meneh, awas ngko tak cokot)

Paijo ngewehno tanganene. Awale Maria mink meneng ae tapi gak kuat ngempet gemes, mangkel, akhire tangane Paijo dicokot sak kuat-kuate sak kayange. Bukane ngaduh kelaran, Paijo malah ngguyu-ngguyu cekikikan.
Ndelok Paijo karo Maria, wedhus-wedhus sing mau ming ngowoh, langsung keplok-keplok kabeh bareng Mario. Tapi gak pengen nek dadi tontonan terus, Paijo ngajak Maria mulih. Wedhus wedok kui digendong. Tangane Maria (sikil ngarep maksude) dirangkulno nang gulune Paijo.
Paijo sing jek kangen gak gelem leren-leren le ngambungi wedhuse kui, trus dikekep kenceng-kenceng.
Dodone Maria mbesesek. Deknen gak ngiro tenin nek bakal isoh ketemu Paijo meneh. Nang njero atine deknen ngucap syukur nang sing kuoso. "Alhamdulillah gusti".
Gak ming kui, pikiran-pikiran nang njero ndase yo mulai metu. Pikiran-pikiran sing umpamane diterjemahno dadi koyo ngene unine:

Maria : "Saiki aku sadar, aku wes isoh ngrasakno dewe, gak ono kedadean nang uripku iki sing gak tepak. Mungkin gak apik, tapi gak ono sing bakal tak getuni. Umpomo aku dikei kesempatan ngatur uripku, utowo nglakoni uripku pisan maneh, aku yakin gak ono sing arep tak rubah. Uripku mungkin gak dowo, tapi iki wes cukup. Awake dewe ditemokno nang pasar kewan, saiki awake dewe bakal pisah yo nang nggon sing podo. Wektuku gak suwe Mas, tapi aku seneng jek dikei kesempatan ketemu sampeyan pisan maneh. Suwun Mas. Sepurane nek aku gak isoh luwih suwe meneh nang kene…"

Tangane Maria sing mau ngrangkul kuat nang gulune Paijo selot lemes. Seko irunge Maria metu getih seger. Gak suwe, ndase sing mau sendean nang pundake Paijo langsung mrosot. Motone nutup tapi seko pinggire netes luh, mbrebes.

Innalillahi waInna Ilaihi Roji'un
Sent from my AXIS Worry Free Black Borrot® smartphone