opo sih peduline sampeyan?

Paijo jek kelingan ae pas pertama kaline numpak mongtor mabur, kui pas deknen mulih seko pulau Dewata menuju ke Jakarta.
Bukane ngrasakke seneng, malah entuk ndrodog katrok penuh dengan kendesoan.
Sak umur-umur, kendaraan paling apik sek wes tau Paijo tumpaki ki tetep ae ngambah lemah. Lha nek iki, teko-teko, ujug-ujug mak bedunduk diaturaken numpak kendaraan sek isoh menclok lan mabur ngabyantoro dirgantoro.

Opo sek Paijo alami pas gek ngurus tiket nang bandara, mirip banget karo kelakuane Samsul sek gek ae latihan sholat. Nek kelingan piye carane Samsul sholat, malah mink nggarai kemekelen dadine. Samsul ki jian blas gak isoh sholat dewe. Isone mink melu-melu nebeng gerakan sholate uwong liyo sek nang sebelahe. Sebelahe njengking yo melu njengking, tapi nek sebelahe njengkang ndak arep melu njengkang? Maklumlah, preman kelas coro kelakuane lak yo ngono kui ta,.!?

Sebut ae pisan dino Samsul sholat sunnah bareng Bedjo nang mesjid. Ha nek Bedjo ngono bocahe sregep ngibadah, seje pol dibanding Samsul. Tapi sayange pas kui Bedjo gek pilek. Gak nggumun ae nek pas gek sholat, pisan-pisan kudu watuk, ndehem lan wahing-wahing, sek suarane menggema
kenceng banget nang njero mesjid. Cilakane, wahing, dehem lan watuke Bedjo dianggep gerakan lan bacaan sholat kanggo Samsul. Walhasil pas Bedjo wahing, Samsul melu-melu wahing ae, ngono juga pas Bedjo ndehem karo watuk. Iki jelas ae nggarai Bedjo nglakoni sholat sambi ngampet ngguyu. Ngakak salah, mrenges yo salah. Hash, malah nyritakke Samsul karo Bedjo ki priwe,.?
Sedangkan Paijo sek mink dibagehi cerito yo mink isoh ngekek kemekelen.

Nang bandara pulau Dewata kui, Paijo mendadak malih dadi koyo Samsul sek gek melu-melu niru-niru adegan sholat. Lha sek jenenge "check in", mbayar "airport tax" lan "boarding" yo Paijo babar blas gak retilah wong mink gek pisan kui dialami karo Paijo.
Dadi bene gak dikiro blo’on bin guoblok, Paijo nglakoni kabeh proses kui sambi clingukan mencelinguki uwong-uwong sek wes ngliwati proses kui. Ibarat
makmum sek gek sholat, rubuh-rubuh gedhang ngonolah.

Sek paling gae ati dadi degdegan, saat-saat ngliwati detector. Mesio aman-aman ae, tapi Paijo kelingan pengalamane mbah Dipo sek gek diprekso keamanane karo petugas bandara nang luar negri. Mergo alarm keamanan ki muni nyaring banget. Pas wes digledah, langsung konangan aelah nek mbah Dipo nggemboli seonggok watu lan koin logam. Banjur ditakoni macem-macem, mbah Dipo trus diculno mergo memang tampange babar blas gak mirip teroris. Dan memang pancene deknen ki gak iso njelaske alesane nopo kok ono watu lan koin nang njero gembolane, mergo asline watu lan koin mau digembol gara-gara ngampet ngising. Sak pas banget karo kebiasaan jawane sek njawani, watu sek digemboli konon terbukti mujarab iso nahan mbrojolnya sang be'ol. Tapi cen apes bin sial tenin, deknen babar blas gak iso nemokke watu siji-sijio. Sek ono malah mink krikil karo duit logam.
Sesuai pepatah, “tak ada batu, krikil pun jadi” yawes tko gembol ae lah krikil karo logam kui, sek akhire malah nggarai detektor airport dadi muna muni.

Kiro-kiro nek sampeyan sek ditakoni petugas keamanan bandara nang njaban rangkah kono kae, opo sampeyan arep njawab ngene,.?
“ I’m sorry sir, I used this krikil for
ngempet ngising. I hope not mbrojol at here and now. So Don’t worry
about that!”

Wes lah, mbalik nang Paijo meneh ae.
Tekane nang njero mongtor mabur, pas banget Paijo entuk posisi duduk nang pinggir cedak jendelo. Dadine weruh lah kui kabeh pemandangan seng nang njobo mongtor mabur. Bener-bener terpampang jelas nag sebelahe Paijo. Gak suwe trus mongtor mabure mumbul duwur ngantek ketinggian ribuan kaki. Rupane Paijo malih abang, weteng muwel, ndredeg, bengak bengok sian. Cen ndeso tenin. Nanging pas wes ngambang nang nduwur, di saat itulah Paijo
menyaksikan -untuk pertama kalinya-
satu pemandangan dahsyat tiada tara, bruto dan netto. Awan mego berarak kesinaran srengenge sore. Ketok megah tenin, indah sekaligus mencekam. Matane Paijo gak uwes-uwes le ndeleng pemandangan sek dahsyat kui. Pemandangan sek gak iso didelok nek Paijo gak munggah nang angkasa sek duwur bianget kui. Sek Paijo gak paham ki jebulnya kebanyakan penumpang gak begitu nggubris pertunjukan alam dahsyat sek kepampang jelas nang kiwo tengene.
Paijo mikir mungkin uwong-uwong wes do bosen, mergo wes bola bali tau weruh pemandangan koyo ngono kui.
Sedangkan bagi Paijo, kui pertama
kaline seumur-umur nyekseni
"fenomena pemandangan awan senja" sek bener-bener dahsyat, sek nggarai Paijo bola bali ngucap takbir lan tasbih. Terus terang Paijo sempet nangis weruh eloke pemandangan langit. Pokokmen Paijo ketok katrok lan ndeso.
Paijo yakin fenomena alam koyo ngono wes ono kaet mbiyen bahkan sakdurunge mongtor mabur iso digawe menungso.

Dia ada diciptakan Sang Pencipta,
Mesio mbiyen durung ono uwong siji-sijio sek weruh. Saiki wes akeh uwong sek dikaruniai kesempatan munggah nang emperan langit.
Biasane nek uwong sek gek paertama kali weruh, mesti ngroso kagum koyo kagume Paijo mau. Tapi sak teruse yo mink biasa-biasa aelah. Cen ngono kuilah watake menungso. Soyo suwe soyo bosen.
Nang nduwur langit sek luwih duwur kono, sejatine jek akeh pemandangan sek menggetarkan hati bahkan nyali. Keindahan penuh kesunyian, dibungkus cahaya remang-remang kesendirian.
Kabeh kui ki wes ono kawet mbiyen, cuman agek konangan ae pas menungso wes iso numpak mongtor mabur.
Semuanya terbentang belum tersentuh ataupun terlihat oleh mata manusia yang
hampir selalu sombong. Dan semua sudah
diciptakan, dibentang, dan digelar, mesio sampeyan wengi iki ngowoh, tur gak weruh pemandangan apik sek liwat nang ngarep ubun-ubun.
Dan Sang Pencipta tak peduli apakah
ciptaan indahnya ini kelak akan
terlihat mata hamba-Nya atau tidak.
Sek mesti, kui wes ono kaet mbiyen nang nduwur kono.
Mulane dadi menungso ki wes sakpatute isin, mergo pendak menungso duwe sesuatu sek unik tur unggul, mesti watake njut mink arep do pamer ae. Kepandaian, kekuatan,
kekayaan, kekuasaan, kelihaian,
kecerdasan, kembelgedhesan dlsb, kui kudune gak munk dadi barang pameran ae. Mendingan diamalke penuh dengan keindahan lan penuh dengan tanggung jawab.

Pesan dari mbah Dipo:
Apapun yang aku kerjakan, inilah yang
seharusnya ku kerjakan. Kalian mau lihat atau tidak, apa peduli kalian? Aku tak
tambah untung kalian saksikan dan
kalian takjubi. Opo sih peduline sampeyan?